САМБОНЫҤ КӰНИ – 55 ЈЫЛ

Кажы ла јыл кӱчӱрген айдыҥ 16 кӱнинде спорттыҥ самбо деп бӱдӱминиҥ кӱни темдектелет. Быјыл кӱчӱрген айдыҥ калганчы кӱнинде тергеебисте бу бӱдӱмниҥ бастырароссиялык 80 јылдыгы ла Алтай Республикада 55 јылдыгы кӧдӱриҥилӱ айалгада ӧтти. Бистиҥ республикада самбо эҥ јарлу спорттыҥ бӱдӱми болуп чотолот ло самбоныҥ ӧзӱп келген јолында тургуза ӧйгӧ јетире Россияныҥ албатылар ортодо 17 спорттыҥ узы ла СССР ла Россияныҥ 160 ажыра спорттыҥ устары белетелген. Эртен тура «Юный спартаковец» деп спортивный залда јылдыҥ ла болуп турган турнирдыҥ ачылтазында спорттыҥ кӧп тоолу ветерандары ла башка-башка јерлердеҥ келген кӱрешчилер турушкан. Маргаандардыҥ уч-турултазы аайынча Улаган аймактыҥ Кудюшев Аткыр (тазыктыраачызы Сартаков А.С.) баштапкы јер ле Тойдонов Урмат (тазыктыраачызы Бабаков Д.Н.) ӱчинчи јер ойногылап алгандар. Маргаандардыҥ кийнинеҥ кӧдӱриҥилӱ кайралдаш Эл драма театрдыҥ сценазында улалган. Мында ончо аймактардаҥ, каладаҥ чогулган спортсмендерди республиканыҥ башчызы А.В.Бердниковтыҥ адынаҥ вице-премьер Игорь Коршунов уткыган.

Самбоныҥ 55 јылдыгына учурлай спорттыҥ ветерандары Челчушев В.Б. Бабаков Д.Н., Санаа А.А., Санин А.А., Яргаков Ю.М. памятный медальдар ла кайралдаттылар. Республиканыҥ физический культуразы ла спорттыҥ ӧзӱмине јаан салтарын јетирип, бийик једимдерге јеткен спортсмендер белетеп турганы учун «Алтай Республиканыҥ нерелӱ тазыктыраачызы» деп кӱндӱлӱ кайралды

Улаганныҥ ДЮСШ –ныҥ тазыктыраачы Александр Сартаков алган. Спорттыҥ бийик једимдерине јеткени ле спорттыҥ ӧзӱмине јаан салтарын јетиргени учун Россия Федерацияныҥ Совет Федерарациязыныҥ комитединиҥ  быйаны  2015 јылда јииттер ортодо ӧткӧн Европаныҥ первенствозыныҥ ла с амбоныҥ телекейлик первенствозыныҥ јеҥӱчили болгон Элбек Куюковко табыштырылды.  Тургуза ӧйдӧ Элбек јаҥар айдыҥ 6-9 кӱндеринде Сербияда Нови-Сад калада студенттер ортодо ӧдӧтӧн телекейлик чемпионатка  туружарына белетенет. Бу јуукта Россияныҥ сборный командазыныҥ тоозына кирип, телекейлик чемпионатта алтын медаль ойноп алган Родион Асканаковты бу самбоныҥ байрамында спортчылар уткуп, јаҥжыкканы аайынча алтай бӧрӱк кийдирип, кур курчагылаган. Мынайып, республикабыстыҥ спортчылары бойлорыныҥ једимдериле юбилейлык самбоныҥ кӱнин јарандырып, мынаҥ ары спорттыҥ јолында анаҥ да бийик једимдерине једер јӱткӱӱл алдылар. 

 

Версия для слабовидящих!

ВЕРСИЯ ДЛЯ СЛАБОВИДЯЩИХ

 

Погода в Улагане

Мы в Контакте!

Счетчик посещений!
Сегодня 17
Вчера70
На этой недели 229
Этот месяц 229
Прошлый месяц 1806
За все время 38155
Ваш IP: 18.207.238.169
Сегодня: 2019-12-06
Пользователей на сайте: 0
Гостей на сайте: 77